www.alexphotonews.com

مدونةتدريبية اهداء لروح الصحفي الراحل فتحي حسين ///تأسست عام 2005 // رئيس التحرير طارق فتحي حسين

شباب المهندسين يرفضون قرار المقاصة

كتبت مارينا جورج : اعلن شباب ائتلاف المهندسين عن رفضه لقرار المجلس الأعلي للجامعات و المعروف بقرار المقاصة

كلية الهندسة بجامعة الاسكندرية

الخاص بطلبة التعليم الصناعي نظرا لاستجابة المجلس الأعلي للجامعات لهذا القرار تحت ضغط طلاب التعليم الصناعي وان قرار المجلس الأعلي للجامعات غير مدروس من مختصصين  .

وأعلن الائتلاف عن دعم مطالبات و الاعتصام الخاص بإلغاء القرار من قبل طلاب كلية الهندسة كما طالب بوضع خطة تطوير شاملة لكليات الهندسة علي مستوي الجمهورية من ناحية الامكانيات المادية والمناهج والهيكل الاداري وفقا لبرامج علمية

ومن خبراء متخصصين في التطوير لإنتاج جيل جديد من المهندسين قادر علي الابداع والبناء والتعمير فلا مستقبل لأمة بدون تعليم هندسي محترم قادر علي مواكبة ركب التقدم .

من ناحية اخرى طالب الائتلاف بتعديل القانون الخاص بانتخاب ادارات الجامعات والكليات وتنفيذ ذلك وفقا لبرنامج زمني محدد وبإشراف نزيه دون تكتلات سياسية داخل الحرم الجامعي واتاحة الفرصة للجميع للترشح واختيار الأفضل وفقا للبرامج الانتخابية المعلنه وتحديد فترة بقاء الادارة و تعديل اللوائح الداخلية الخاصة بسير العملية التعليمية داخل كليات الهندسة من أعمال سنة وامتحانات وغيرها واعلانها وابداء الطلاب الموافقة عليها مما يعاني منه الطلاب بما يضمن الشفافية الكاملة والعدالة بين الطلاب والغاء المحسوبيات

About these ads

10 comments on “شباب المهندسين يرفضون قرار المقاصة

  1. فايد
    5 مارس 2012

    اقول للكرام الذين يهاجمون قرار المقاصه نحن لانطالب بمساواة الشهاده التى حصلنا عليها بعد اربع سنوات دراسه فى الكليه بشهادة خريج الهندسه الذى ذاكر خمس سنوات .لكننا نطالب بدراسة المواد التى لم ندرسها .وان كنا فشله كما تذعمون فبيننا الامتحانات هى التى تحدد هل نحن فشله ام لا. على فكره خريجى التعليم الصناعى يعملون فى المصانع والشركات بمنتهى الكفاه وتحت مسمى مهندس وليس فنى ..اللهم وفق الجميع للخير.

  2. eslam
    20 سبتمبر 2011

    الاول سلام عليكم انا بس عايز اوضح حاجه للناس اللي رافضه قرار المقاصه ان ربنا بيوفق كل واحد علي اد تعبه ومجهوده وبالنسبه للاخ بتاع المعهد اللي بيقول الطلبه الفشله بتوع الكليات الخاصه او المعاهد الخاصه للهندسه انا بس عايز اقولك ان في اكتر من 85% من طلاب الكليات الخاصه ناقصين .5 او1%او حتي جايبين فوق 90% ده ميخليهمش فشله ده يقول ان الطالب ده تعب انا معاك ان في ناس جايبه 70% وبيخشوا بس انت متجمعش لان بتاع الثانويه مهما كان احسن من الفني ودافع دم قلبه علشان يكون حاجه كويسه وانت كده بتحكم غلط علي الناس كلها لان اللي جايب 93% ودخل كليه خاصه ده يبقي ايه فاشل زي حضرتك مبتقول وفي الاول وفي الاخر ربنا لا راد لقضائه وهو اللي بيرزقف كل شخص علي قد النيه

  3. eng abdo
    14 سبتمبر 2011

    اولآ السلام عليكم انا عاوز اقول الى بيقول بتاع المعهد كان بياخذ كورسات فاطالب الثانوية من قبل ما يدخل فى الدراسة وهو بياخذ دروس حتى النهاية عاوز اوضح حاجة لو بتاع التعليم الصناعى فى الكلية نجح بغير مجهود يبقى الهنسة كذلك بس احنا عمر ماكان فية غش وكل واحد كان بينجح بمجهودة وانا مش عارف اية الحقد دة احنا مش هانيجى ناخذ الكرسى الى انت قاعد علية ولا انت خايف مننا علشان احنا اكثر خبرة اكيد خايف وعلى فكرة فية فى خريجى التعليم الصناعى طلبة ثانوية بلاش حقد مافيش حد بياخذ رزق حد (علمت ان رزقى لن يأخذة غيرى فاطمئن قلبى)

  4. مهندسه بجد
    5 سبتمبر 2011

    حسبنا الله ونعم الوكيل الله قادر علي اظهار الحق
    ورفع الظلم والظلم هو وضع الشيء في غير محله

  5. Mohamed Mahrous
    3 سبتمبر 2011

    بســــــــــــــم الله الرحمن الرحيــــــــــــــــــم

    توضيح بسيط بخصوص المقاصة :
    ــــــــــــــــــــــــــــــــــــــــــــــــ
    كثير من الطلاب المعترضين على المقاصة لا يعلمون الحقيقة التى سوف تقابل خريجى كلية التعليم الصناعى . وبأذن الله أوضحها للجميع
    أولاً : من عام 2006 تم تعديل اللائحة الداخلية لكليه التعليم الصناعى جامعة حلوان … لتكون نسبة المواد الهندسية تتمثل فى 85% والمواد التربوية 15% …
    من هنــــا جــــاء مطلب المقاصة التى هى :

    المقاصة التى سوف تخرج لنا بها اللجنة المشكلة لعمل المقاصة عبارة عن فرق المواد بين المواد الهندسية لكليه التعليم الصناعى وهندسة بالاضافة الى اضافة بعض المواد التى يحتاجها خريج كلية التعليم الصنـــاعى لكى يكون حاصل على جميع الكورسات التى تؤهلة للعمل كمهندس سواء بالقطاع الخاص أو الحكومة …

    وبالتالى ومن المؤكد أن يكون الفارق فى المواد بين الاقسام فى هندسه وتعليم صناعى يتمثل فى 25 ماده ربما تزيد او تقل فى بعض الاقسام وبالتالى سوف يتم تدريس تلك المواد على مدار سنتين أو 3 سنوات .

    مع العلـــم أن طالب او خريجى التعليم الصنـــاعى يدرس فى تخصصه لمده 9 سنوات ما بين (3 أو 5 ثانوى صناعى + 2 معهد فنى + 4 سنوات كلية ) بالاضافة الى 2 أو 3 سنوات مقاصة وبالتالى سيكون مجموع الدراسة 12 سنة دراسة فى التخصص ..

    فلمــــــــاذا كل هذا الحقــــد على خريجى التعليم الصناعى وأتهامهم بالجهل والبلطجة
    هل 12 سنه دراسة او على الاقل 9 سنوات دراسة فى التخصص لا تؤهل خريج التعليم الصناعى الى ان يكون مهندس ؟

    وفى النهايه نجد أن طالب الهندسة يقول بأنه خائف على المستوى الهندسى من من تخاف ايها الطالب .. نحن الذى نخاف على المستوى المهنى منكم فنحن مهندسون حقيقيون مع ايقاف التنفيذ نظراً للجهل بالشهاده التى نحصل عليها … وليعلم الجميع بأن معظم خريجى التعليم الصناعى يعملون داخل وخارج مصر بمسمى مهندس وليس فنى كما تزعمون ……..

    ان كنت انت قد حالفك الحظ ودخلت الهندسة من الثانوية فهناك من سلك طريق أخر وأجتهد وحصل على اعلى التقديرات ومن حقه ان يكمل دراسته فى الجامعات الحكومية وليست الخاصة كما يفعل الفشلة الملتحقين بالجامعات الخاصة خريجى الثانويه العامة …

    نحن لا نقلل من شأن أحد فلكل مجتهد نصيب ونحن أجتهدنا وأنا اتكلم عن نفسى كنت أعمل وأدرس فى وقت واحد وقد حصلت على تقدير عام جيد جداً فى المعهد والكلية … وللعلم أن مجموعى فى المعهد أتاح لى فرصة الالتحاق بكلية الهندسة وتقدمت بالفعل لها ولكنى لم يسعنى الوقت لكى يتناسب مع الشغل والدراسة فى نفس الوقت الامر الذى جعلنى أحول أوراقى الى كلية التعليم الصناعى نظراً لانها ثانى كلية بعد الهندسة بها قسم الالكترونيات والاتصالات ……

    فلماذا تحكموا على خريجى هذه الكلية بالفشلة اتقوا الله فى انفسكم واتقوا الله فى طالب العلم ولا تقف أمام طالب العلم حتى يوفقك الله لما فية الخير لك ولكل المسلمين ….

  6. mohamed samir
    2 سبتمبر 2011

    belnesba l klam el ostaz kattia aw el ostaza kol el klam ely et2al minak 7elw w mafish gedal 3ala mo3zamo bas fi no2tet eno y7ek ll talb el fany eno ya5od baklorios handasa ana gir motafek m3ak l en el kayfya ely tahel l 7aga zay di tol 3omrha kant el kolia el mo3tamda ely heya koliet el handasa w gir keda azon en el baklorios dah lih tsalsol dayman 3and el mohandsin 3hasna keda e3tardo 3la krar el mkasa dah 3hasan 5atr el mohands mar b sanwya 3ama nar w ta3b 3ahsan el mawgmo3 w ba3d keda ta3b tany fi 5 snin handsaw a azon en el klam dah mish sahl eno yet3aml w shokran …..

  7. Tamer Henawy
    2 سبتمبر 2011

    محدش معترض إن طلب التعلم الفني يدخلوا هندسة
    بس يدخلوا بالتنسيق
    مش واحد فاشل جايب مقبول يدخل هندسة وياخد مكان واحد تعب في الدراسة

    ومن اللي شفته في هندسة كان بيسقط منهم كتير

    وبعدين هي البلد مش بتحتاج فنين؟

  8. m.o
    2 سبتمبر 2011

    انا غير متفق معك تماما فى هذا الكلام لان الطلاب الى داخلين الكليه من المعاهد الفنى الصناعى معظمهم و ليس كلهم داخل الكليه مش بمجهوده و اظن واضح جدا الى بيحصل فى المعاهد الفنيه من كورسات عند معيد الماده علشان ايه؟؟ علشان يديله الامتحان و يديله درجات اعمال السنه و الطالب ده اصلا مش قوى ف الانجليزى . با النسبه للمهندسبن الى حضرتك بتدربهم اظن ان مش كل الى عدى عليك زى منتا قولت كده و اعتقد ان الى انت قولتهم دول اقليه

  9. Abdelrahman
    2 سبتمبر 2011

    السلام عليكم ورحمه الله وبركاته
    تحية طيبة وبعد ،،
    اولا قرار المقاصة ده مش المعني به هما طلبة الدبلومات الصناعية ، انما العني به هم طلبة بكالويوس التعليم الصناعي وطلبة بكالوريوس تربية تعليم صناعي .
    والمقاصة دي عباره عن دراسات تكميلية لكي يتمكن الخريج من خلق فرص عمل لنفسه واكتساب خبرات دراسية اكثر نظرا لان خريجو هذه الكليات مظلومين من جهة المسمى الوظيفي لهم فمنهم كوادر جيده قد تفيد مصر مستقبليا .
    أعتقد ان المقاصة مطلب مشروع لخريجي التعليم الصناعي

  10. kattia
    2 سبتمبر 2011

    أقول لكل معترض على دخول الفنيين فى الكلية لولا أن الطالب أجتهد ما وصل إليها أولا وثانيا درس الطالب الفنى مواد تؤهلة لمعرفة كيف يطرح الأسئلة العملية والعلمية على السادة الدكاترة وبالتالى فهو يتفوق على حاصلى الثانوية العامة أحيانا أما مشكلة التكدس فى الكلية والجامعة عموما لايكون سببا لرفض هؤلاء خريجى التعليم الصناعى وللعلم وبالممارسة العملية وأحتكاكى بالمهندسين كثيرا قبل وبعد تخرجهم حيث أنى قمت بتدريب العديد منهم وجدت أن المهندس قبل التخرج وبالذات فى هذه الأيام أجوف جدا لا يعرف هدفة لأنه لايفقهة الكثيرولا يوجد له طموح جيد يؤهلة لخوض حرب الحياة العملية وللأسف لايعرف سوى أنه سيكون مهندس ولذا كلما قمت بتدريب أى مجموعة أبداء بتعريف الوظيفة الأساسيه للمهندس وأن يعى الطالب بالذات أهميته فى المرحلة الحالية من حيث ما يدرسة وفيما يوظفة حتى يكون هدفة الأول هو التصميمات كلا فى تخصصة وليس أعمال الصيانات فقط مع زرع موهبة الأبداع مهما كانت الظروف من حولة وهنا يكون عندها مهندس بحق بالأضافة للقليل من دراسة التنمية البشرية حتى يكون قائدا ناجح
    وكثيرا ما يأتينى مهندسين حديثى التخرج يأتى بكبرياء عجيب ليس له أساس سوى الجهل وعندما تبصره بخطائه ونقاط ضعفة مع كيفية السؤال فى الحياة العملية لا يقول شكرا وأنما يزيد الكبرياء وبالتالى هنا ينطبق عليه المثل القائل (اللى ميربهوش أهله يربية الأيام والليالى) وهنا يصتدم بالمشاكل مؤديا ذلك إلى فشله لاسمح الله وهنا أقول من تواضع لله رفعه و لاكبرياء بين عالم وطالب علم والعكس فأحسنوا ما بنفوسكم تكونوا أفضل الناس أللهم أنى بلغت

أضف تعليق

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

You are commenting using your WordPress.com account. تسجيل خروج   / تغيير )

صورة تويتر

You are commenting using your Twitter account. تسجيل خروج   / تغيير )

Facebook photo

You are commenting using your Facebook account. تسجيل خروج   / تغيير )

Google+ photo

You are commenting using your Google+ account. تسجيل خروج   / تغيير )

Connecting to %s

Information

This entry was posted on 2 سبتمبر 2011 by in اخبار الاسكندرية.

الابحار