خواطر الحاجة ام كريم .. في الشهر الكريم

بقلم وجدان طارق : هذا الشهر الكريم مظلوم معانا  .. ولا تمت روحانياته للواقع  الذي نعيشه باي صلة و ان اى تشابه بينه وبين الواقع فهو من قبيل الصدفة … واليكم شهر رمضان الكريم في خواطر الحاجة ام كريم :
1- ذات الرداء الاصفر :
رمضان موسم العبايات السودة عند سيدات مصر ” يونيفورم كل صلاة ” .. ويوم ما تتغير تفضل برضو ألوان غامقة بس هى لازم تكون غير فعندها مبدأ ” التشبه بالنساء حرام ” وده اللى خلى عقلها الباطن يشير عليها ” بالاسدال الأصفر ” .. وكأنه سباق اشيك واحدة فى الحتة وتتمشى من البيت للمسجد رافعة شعار ” يا ارض اتهدى ما عليكى ادى ” .
2- حب  و خطوبة عبر شرفة المسجد :
وهنا يتحول المسجد لجنينة الأسماك و نظرات الحنين المسروقة عبر شرفة مصلي السيدات بين عشاق الحتة  تحت شعار ” يشهد على حبنا ربنا ” .. و اهو فرصة تشوفها امه من غير ” ميك اب ” و لعل و عسي تفتح كلام مع امها و يا مسهل .  وهو مصلى السيدات ايه غير خاطبة وعروسة وواحدة بتدور على عريس لابنها وشوية حاجات فوق بعض .. ده لو هند صبرى عملت حلقة بعنوان ” البحث عن عريس فى صلاة التروايح ” اكيد المسلسل كان هيتشهر اكتر .
و علي فكرة دخول المسجد يشترط عليكى شرطين : الوضوء والاجابة عن الاسئلة دى : اسمك ؟ سنك ؟ مرتبطة ؟ لان صلاة التراويح فى مصر فرصة لن تعوض 2 في1 صلاة عليها عريس هدية .
3 – مصلى السيدات بين الصلاة و cbc سفرة :
بيتحول مصلى السيدات فى صلاة التراويح لأكلة من الشيف شربينى على اكلة من ابن الشيف شربينى وكام اكلة من صحاب الشيف شربينى وكل واحدة تستعرض اكلها او اكل بنتها او “عامل نفسه ” اكل بنتها وكل الطرق تؤدى للبحث عن عريس و كله كوم و الصينية اللي بتتوزع فيها الكيكة اللي عملتها بنت الحاجة ” فلانة ” و اللي لو مالناش نصيب ناكلها يبقي لينا نصيب ” تليط وشنا ” بيها بعد ما تتعجن تاني بعد ما تتفرفت علي ارضية المصلي بفعل اثار مياه الوضوء و احنا بنسجد .
5- اغانى المسلسلات والموسيقى فى الجيم حلال :
– انت مشغل اغانى ازاى مش عارف ان الاغانى فى رمضان حرام ؟
– دى اغنية مسلسل
– اه كدة طمنتنى
– انت مش عارف ان الموسيقى فى رمضان حرام ؟
– لأ احنا فى الجيم
– بردو كدة طمنتنى
روح التناقض واخدة راحتها اوى عندنا وفى كل بيت مصرى مفتى واحد على الاقل بس سيبك انت المهم انه حلال حلال حلال .
6- القبلة فى اتجاه الدش :
على اعتبار ان اي المسجد يعتبر” كعبة ” وان البلكونة اللي بتتطل عليه تعتبر في نطاق الحرم فممكن تصلى فيها مع الامام بس لو هيتأخر خلص الصلاة بدرى مع نفسك من غير كسوف علشان تلحق تتفرج على المسلسل اللى اغانيه حلال .
7- السجاير مش بتفطر :
اه مش بتفطر ولا العراك وسب الدين ولا الغنا ولا الرقص بيفطروا مادام مأكلتش حاجة من الفجر للفطار تبقى ” صايم بجد ”  !! .

8- عندما يتحول المسجد الي محطة مصر :

بعد الانتهاء من صلاة التراويح  تتحول ساحة المسجد احيانا  الي ميدان محطة مصر .. حتلاقي البياعين فارشين .. و الأطفال اللى بتلعب على باب المسجد  و تجري ورا بعض .. و اللى بتوزع بلح على الناس .. وستات  الحتة اللى بيتعرفوا على السكان الجداد .. والرجالة اللى مشافوش بعض من رمضان اللى فات .. والبنتين اللى هناك دول ايوة دول اللى بيتكلموا علينا وكاننا مش واخدين بالنا ” ونستعين بالمقطع الشهير ” ومن الشباك لرميلك حالى ” .

9 – عركة قبل الفطار :

تتفاوت احصاءات ” المعارك ” التي تنشب قبل الافطار من منطقة الي اخري و من بيت لآخر .. و كأن الشهر الكريم فرصة لينفس عن غضبه و كانه عاوز يقول لربنا انا مش مستحمل و علي آخري .. و يا سلام بعد ما يسب الدين و يشتم و يضرب يروح مولع سيجارة علي اعتبار انه ” مضطر ” يفطر و يحلف انه ما اكلش حاجة و لا شرب عشان دم ” امه ” محروق  !! و الغريب ان بعد الافطار الكل بيبقي مبسوط و نادرا ما تقوم ” عركة ” .. و الله رمضان برئ منكم يا اولاد ال…. ” اللهم اني صايمة ” 

وجدان طارق

وجدان طارق

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s