التقليد عمانى ورب العرش نجانى

كتبت وجدان طارق :  المعروف ان الموضة فى الالوان او ستايل الهدوم او لفة الطرحة وما شابه وكل فترة ” عدة شهور ” بتتغير لكن الموضة دلوقتى ان الموضة بتتغير حوالى كل اسبوع بس احنا علشان مجتمع محافظ عنده مبادئ ممكن توصل معانا لشهر .

 والجديد ان الناس بقت موضة يعنى حد يعمل حاجة كويسة ايا كان ممثل او مغنى او شخصية معروفة على اى موقع تواصل يحصل عليه هجوم نسعى علشان نتصور معاه ونكتب عنه ونظهره بأى طريقة .. وياخد وقته وكأنه محصلش .

عندك موضة تانية فى الأكل اه زى ما بقولك كدة فى الأكل اللى هو كان زمااااان من حوالى 3 سنين حاجة عادية كل واحد ياكل اللى عايزه فى هدوء تام بس الأكل الصينى اللى يسامحه كل بداية شهرة الأكل فلازم اروح مطعم صينى واتصور واصور الأكل بـ 60 وضع مختلف شبه بعض ” اه مختلف شبه بعض ” ويبان قد ايه الأكل تحفة حتى لو مأكلتش منه .

وفى ضجة ” النوتيلا ” وقد ايه هى كيوت وكل اللى بتاكلها كيوت وكل بنت لازم تتصور مع علبة النوتيلا الفظيعة حتى لو خلصت وجوا العلبة شيكولاته تانية . -اقبال رهيب على ” nutellopia ” فى اول ايامه وطبعا علشان احنا مجتمع محافظ وعنده مبادئ الاقبال طول لشهر تقريبا .. كمية الصور اللى اتاخدت فى المكان تفتح 3 معارض فوتوغرافية كبرى وألبومين جيب ثم .. محدش سمع عن المكان تانى !!  مع العلم ان فى انواع تانية احلى بكتير بس الشهرة رزق زى ما انتوا عارفين ” ياريتنى كنت نوتيلا ” .

فورمة الساحل وما ادراك ما فورمة الساحل ” الجيمات تستغيث ” الرياضة فى حد ذاتها لا غنى عنها بس لغرض ” المنظرة ” يبقى ملهاش لازمة .. بنشاتك فى صدرك .. بايك فى دراعك .. ترابيسك فى كتفك .. اجرى على الساحل يا وحش . .اما الساحل نفسه عليه مقانة مين يروحه ويتصور اكتر لدرجة انه بقى حاجة روتينية فرض من فروض الحياة واى كلمة ” بورتو ” فيها مغناطيس لو حتى كان ” بورتو كرموز ” .

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s